國立教育廣播電臺

「日頭赤焱焱，隨人顧性命。」意思就是講，拄著代誌，別人攏是「死道友，無死貧道」，家己共家己顧予好勢。有時「一仙佛嘛顧無好一个香爐」，神明嘛無法度顧好家己，何況是咱家己?所以祖先閣教咱另外一句話，叫做「先顧腹肚，才顧佛祖」，你愛家己先顧予好勢，所以臺灣景氣好䆀，愛看路邊攤仔濟少。講著路邊攤仔，我就想著，趣味趣味。昨昏去食飯，看著隔壁頭家娘佮的辛勞咧諍講，伊講伊的物件是yesmind，講是世界名牌，你毋捌聽過乎?(毋捌)另外閣有robenton(這有啦)，(yesmind是啥?)『夜市買的』啦，所以你看臺灣的經驗是按呢，「油湯趁，油湯食，毋趁你就做乞食」，所以景氣無好，咱就路邊攤仔罔排、生理罔做，家庭加減有一寡收入，毋過就驚欲食毋討趁的人，拄著危機就哀講我欲靠政府、靠別人。