國立教育廣播電臺

本集《暢樂客語屋，WOW！》以「真心做伴个好朋友」做主題，帶等聽眾朋友行入友情世界个燒暖回憶。瑜琦先分享佢還細時節分好朋友分享午餐个感動故事，展現出正經个朋友係肯付出心意个。

節目乜特別邀請成淵高中國中部个雯竹摎佢个媽媽淑惠共下來分享親身經驗。雯竹講佢自家識在跌倒个時節，朋友用跳舞弄佢笑，分佢一下仔毋記得痛个故事，感受著小朋友得人惜个友情。

淑惠媽媽係分享佢學生時代摎朋友互寫日記，記錄心情摎秘密，這下看該兜內容還係試著十分个幸福。

節目中還放送小學生志恩个投稿，講佢東西毋見忒，厥朋友主動摎佢𢯭尋个貼心行為，感動人心。故所真正个朋友毋單淨會陪你笑，乜會陪你渡過難關。節目最尾乜鼓勵聽眾朋友對朋友愛表達感謝，還過傳送燒暖个笑容。