《暢樂客語屋，WOW！》本集主題係「食到安心，快樂學習」，邀請光復國小个學生育璿共下討論校園飲食摎康健飲食个習慣。節目一開始討論學生上課精神毋好，係毋係摎食東西有關係。來賓育璿分享自家盡好食烰雞排、薯條摎珍珠奶茶這兜「快樂套餐」，分主持人提醒高油高糖个東西雖然好食，不過對身體康健摎專注力毋好。
節目過來紹介學校營養午餐个優點，強調均衡攝取肉類、青菜摎水果个重要性。對想要帶飯包个學生，乜提供健康飯包个建議：包含蛋白質、青菜摎全穀類，還做得搭配水果、堅果還係優格做點心，比較毋會肚屎枵還做得提高學習效率。
節目底肚傳達「三日毋食青，行路偏重輕」个飲食諺語，渡學生理解均衡營養、康健食對健康个影響。分聽眾在學習語言个時節乜培養康健飲食个觀念。
