本集《暢樂客語屋，WOW！》主題係「介紹一本生趣个客語繪本」，透過校園街訪摎來賓分享，帶等聽眾朋友來認識生趣个客語繪本。
節目一開始，學生仔分享讀客語繪本《細花》个感想，表示這毋單淨一本分細人仔看个書，乜帶等讀者了解無共族群摎文化背後个故事。續下來主持人邀請特別來賓、好閱讀个育璿（阿璿牯），共下推薦另外一本感人个客語繪本《阿文个心肚畫》。
這本書寫著主角阿文透過逐日个心情日記來記錄生活，其中一篇寫著班項同學共心𢯭手請假个同學完成拚掃事頭，展現同學愛，內容又燒暖又感動人。阿璿牯分享自家在班項个經驗，摎書裡背个情形共樣共樣。
《阿文个心肚畫》用簡單自然个客話來表達細人仔个心情，圖畫色彩溫暖、已有童趣，不管係細人仔還係大人都做得對書裡背得著啟發摎情感共鳴。另外，這本書做得在臺北市各國小圖書館抑係本土語言教學資源網尋著，鼓勵大家共下來閱讀、學習摎珍惜客語文化。
