本集《暢樂客語屋，WOW！》以「做好計畫，學習一百分」做主題，討論透過設定細目標來學習摎成長。節目一開始透過校園街訪，學生仔分享自家設定个目標，像逐日背五隻英文單字、逐日練習投籃半點鐘，說明就算係細細仔个行動，斯愛有心乜做得帶來大進步。
續等節目邀請著親子來賓立琪媽媽摎育璿，分享佢兜在生活裡背个做法。育璿講，佢會摎阿姆共下討論逐禮拜个目標，比將講愛準備籃球比賽就逐日投籃三十到，乜識定下逐日看書、練習寫字，甚至會主動做家事像洗碗三日等，這兜看起來簡單个目標毋單淨提升自信，乜培養咧責任感摎規律个生活習慣。
立琪媽媽乜講佢兜會在逐禮拜暗晡共下來討論新目標，分細人仔共下來做規劃，增加成就感摎家庭互動。節目盡尾乜鼓勵聽眾朋友逐隻禮拜來定一個實際做得著个目標，不管係學習、運動還係家務，細目標雖然細，係講做得一步步仔養成好習慣，透過持續實踐，未來做一個還較好个自家。
