各位聽眾朋友，啥物當時行？今仔日「佇厝講台語」的主題是「環保當時行」。嘉芬校長和淑惠老師佇節目中邀請著臺北市復興高中的詹肱晉同學，做伙來討論in按怎佇生活中做環保。
肱晉講伊的阮冊包內底有紮這馬當時行的食物袋仔，上細的是去7-11買茶葉卵貯的，中範這个是去麭店買麭用的，上大的是買蚵仔麵線欲用的。這用了，洗洗咧閣再用。一工就減用3个塑膠袋仔。毋但環保，閣顧健康嘛袂共塑化劑食落腹肚呢。
除了家己紮食物袋仔，伊嘛講著若買uniqlo的衫，無欲穿啊就提去in的店回收，in會當做出閣再使用的布料。所以咱佇買衫進前先想看覓咧，敢真正足佮意抑是一時興興爾爾，小想一下，就會減買一領。
節目的尾聲有鼓勵聽眾「佇厝講台語」，嘛會使和厝內的人好好討論按怎做環保喔！
