各位聽眾朋友，你敢有聽過藍色公路？今仔日「佇厝講台語」的主題是「來耍一逝藍色公路」。
淑惠老師先介紹藍色公路就是利用水路的觀光路線，予逐家對無仝的角度來欣賞臺灣美麗的風景。嘉芬校長佮淑惠老師邀請著臺北市復興高中的陳貝兒同學做伙來開講，分享伊體驗藍色公路的過程。
貝兒講平常時仔伊攏是佇路裡欣賞淡水河的風景，毋過彼改伊是對水上欣賞臺北市的風景，這種感覺真特別！主持人請來賓規劃一逝藍色公路旅遊，貝兒講伊會安排先坐船到淡水，落船了後，來去淡水老街行行咧，吃一寡好料的譬論講，魚丸仔、阿給、鐵卵抑是魚酥，欲暗仔才閣坐船轉來市區，欣賞日頭落山。
節目的尾聲有鼓勵聽眾「佇厝講台語」，嘛會使和厝內的人好好仔規劃一逝藍色公路的旅行喔！
