各位聽眾朋友，冰箱毋若是囥食物的所在，內底嘛是有每一个家庭的故事喔。今仔日「佇厝講台語」咱欲來講的主題是：「阮兜的冰箱」。
節目一開始，嘉芬校長分享著伊足愛食果子，所以in兜的冰箱有真濟果子。淑惠老師嘛分享著伊是in兜的總舖師，所以冰箱攏囥伊煮飯的食材。佇節目中邀請著復興高中二年仔的陳可芹來到現場，共逐家分享in兜的冰箱。可芹講因為阿媽攏足驚in枵著，所以冰箱定定貯甲滇滇滇，有魚、有肉、有菜蔬、有果子等等，閣有阿媽煮食愛摻的醬料。
伊嘛有分享欲按怎正確使用冰箱的方法，譬論講：共食物做分類，囥佇無仝的區域。而且愛定期清理冰箱，若無冰箱會變成「糞埽場」。
