各位聽眾朋友，你敢有坐火車去旅行過？你是去佗位咧？今仔日「佇厝講台語」的主題是「來一逝火車旅行」。嘉芬校長佮淑惠老師邀請著臺北市光復國小五年仔的葉依柔小朋友做伙來開講，分享伊坐火車去𨑨迌的經驗。
依柔一年仔的老師真gâu畫圖，有一改，伊和同學閣有in阿母做伙坐火車去桃園，看老師畫圖的展覽。閣有一擺in全家伙仔坐「環島之星」對高雄坐轉來枋橋。逐家佇火車的車廂內底唱KTV，閣有做一寡仔DIY，真正足趣味的，伊佮小妹攏耍甲真歡喜。
節目中嘛有討論著臺灣有很濟種火車，除了依柔講的環島之星以外嘛有自強號、莒(Kí)光號、太魯閣號、普悠瑪號等等。
節目的尾聲有鼓勵聽眾「佇厝講台語」，和厝內的人好好仔規劃一擺火車的旅行，毋若會當學台語嘛會使創造真濟美好的記持喔！
