各位聽眾，你有坐過捷運無？你敢知影坐捷運愛注意啥物安全？今仔日「佇厝講台語」的主題是「捷運蓋方便，坐捷運嘛愛注意安全喔！」。嘉芬校長佮淑惠老師邀請臺北市光復國小五年仔的葉依柔小朋友，做伙來開講，分享伊坐捷運的經驗，閣有愛注意的安全事項。
依柔講伊有坐捷運去過士林夜市仔，閣有去過新店的「裕隆城」。車廂內底有真濟人，有的咧看冊，有的咧耍手機仔，有的咧開講，嘛有的人咧睏。伊感覺捷運真方便，會當足緊就到位，而且坐捷運嘛會使減碳。
毋過捷運的安全嘛愛注意，親像佇捷運車廂內底傱來傱去毋但會家己跋倒，嘛有可能會去挵著別人。
節目的尾聲，嘛有鼓勵聽眾「佇厝講台語」，佮厝內的人分享「坐捷運的安全」，嘛會使佮分享今仔日學著的智識。
