各位聽眾朋友，你敢知影下課的時會當做啥物代誌咧？今仔日「佇厝講台語」的主題是「鬧熱的下課時間」。
嘉芬校長佮淑惠老師邀請著臺北市東湖國中八年仔的林品羽同學做伙來開講。分享著家己上佮意的下課活動——拍籃球。伊講拍籃球毋但會當練身體閣會使敨放壓力，而且嘛會使和朋友培養感情，真正是一兼二顧摸蜊仔兼洗褲呢！毋過若是拄著落雨就真煩惱囉，in彼班的查埔囡仔會佇教室內底開講、滾耍笑，查某囡仔就會看冊抑是講心內話。
節目中，品羽閣分享有一擺，伊和同學佇球場打拍籃球的時，無細膩籃球去掔著老師的跤，真正對老師足歹勢的。
節目的尾聲嘛有鼓勵聽眾「佇厝講台語」，按呢毋若會當增加學台語的機會嘛會使增加和厝內的人的互動喔！
