國立教育廣播電臺

痀，就是曲痀的痀，表示會彎曲；崙像講山崙，噗起來的所在，所以你看竹仔生做彎曲閣有噗起來的所在，表示生了媠抑䆀?當然是䆀囉，竹仔就是愛一枝直直。 愛直直，所以「歹竹出好筍，好竹出痀崙」這句俗語的意思就是講，甚至這馬嘛有人，老爸老母以早攏無讀冊，毋過囝兒序細足將才，知影厝裡困苦就認真拍拚，家己嘛讀到博士。咱教育囡仔一定愛特別注意囡仔的興趣、專長佇佗位，毋通硬逼，所以講「歹竹出好筍，好竹出痀崙」，囡仔的發展家己愛負責任，咱做爸母、做老師的人，提供一寡資源，一寡意見予參考，未來愛行的路嘛是愛靠囡仔家己來，這才是重點。