「痟貪軁 雞籠 」，就是勸咱毋通傷痟貪，若無會『 偷雞不成蝕把米 』。想欲偷掠 雞，就愛先用一搣米來共雞唌過來，若拄著雞仔誠巧，米啄啄咧就做伊走，害伊毋但掠無雞，顛倒閣加了一搣米。不而過，我感覺這閣無打緊，上驚是傷過痟貪，心肝較大牛肺，按呢就會出代誌。俗語講得好，「便宜莫再取，再取無便宜」，為著欲佔人便宜，尾仔煞夆掠去關佇櫳仔內，按呢就蓋毋好。