拍破台語顛倒勇

主持人 :
節目介紹 :

播出時間:每週日17:05-18:00

臺灣的閩南語當代社會的運用,日新月異,但一般大眾的認識,多停留在鄉土、政治、俗語與風土歷史。此節目透過訪談與小單元設計,讓聽眾瞭解台語語在現代臺灣社會的多元發展,例如用台語講述國際新聞,寫作詩、散文、小說,搬演莎士比亞舞台劇,唱新台語歌,討論社會議題,編輯風土刊物,網路直播,還有教育的最新浪潮:母語家庭等等⋯⋯希望透過此廣播的聲音,讓台語的現代性與生活性廣為人知,進而有更廣闊的用途與更精粹的藝術創造。

邀訪來賓:許維德(Khóo Uî-tik),交通大學人文社會學系副教授。 〔台語廣播劇〕女神龍的秘密愛人:王眉.張毓棬/聲音演播 邱琳倫/剪輯配樂 鄭順聰/台文製作

一、 咱按語言來起步,全世界遐濟語言,而且話語定定袂通,予我想著《聖經》巴別塔,這个故事是咧講啥物?遐爾濟語言,對人類社會有好有䆀,維德教授你用社會學的觀點,欲按怎開破?
二、 各位空中的聽眾敢有聽出來,雖然我順聰和維德教授攏講台語,毋個,腔口無仝。維德教授是佗位人?厝內是啥腔口?你對社會學和認同的興趣,彼葩火是當時點著的?
三、 有人講語言干焦是交通的工具,毋個,代誌絕對無遐簡單,語言佇一个社會毋但是工具,伊閣有啥物功能和意義?
四、 一種語言就是一个世界,咱人按怎用語言來建立認同?族群、社會、國家和語言的關係到底是按怎?

邀訪來賓:陳夏民(Tân Hā-bîn),編輯、作家,出版社和書店負責人。 〔台語廣播劇〕女神龍的秘密愛人:王眉.張毓棬/聲音演播 邱琳倫/剪輯配樂 鄭順聰/台文製作

一、夏民、你自出社會了後,做過真濟代誌,我欲來整理閣毋知按怎整理,請你先來自我紹介?

二、 事業做遮濟年,你感覺你面對的族群,in對文化的看法是啥?以早對文學的看法是恬靜有氣質?你做遮濟活動,變遐濟齣頭,做遐奅的設計,有改變了啥物?

三、 以早,編輯和行銷攏覕佇後壁,較無徛踮舞台頂。你共這个時勢反過來,予人感覺做遮幕後的工課是真時行、極熱情、有氣力的穡頭,我按呢講敢著?

四、 你做遮濟遮好遮拚,嘛是會忝、會無順、會心情無好,你攏是按怎來適應、來消敨,予家己充電,予家己理由?

五、拚事業愛有真濟朋友來鬥相共,上重要是厝內面的支持,踮空中,來講幾句仔話予你的家人、朋友、恩人和冤仇人聽?

邀訪來賓:許沛琳(Khóo Phài-lîm),台北教育大學附設實驗小學老師。 ◎台語廣播劇:女神龍的宇宙巡航 王眉.張毓棬/聲音演播 邱琳倫/剪輯配樂 鄭順聰/台文製作

一、 這馬教育現場,你看著的無語教育現場,實際情形是按怎?教材?教學?家長態度?漢字和羅馬拼音?學生的口語和寫作?

二、 閣來講比賽和檢定:全國語文競試的鋩角?閩南語能力檢定的重要性?

三、 閩南語老師的現在和未來?學習和訓練?

邀訪來賓:曹銘宗(Tsô Bîng-tsong),作家,作品有《台灣史新聞》、《大灣大員福爾摩沙》、《台灣的飲食街道:基隆廟口文化》等等三十本。

一、銘宗老師,「雞卷」敢是「共ke--ê kńg起來」,所致叫「ké-kńg」?

二、咱對「雞捲」起鼓,一个一个來開破,台灣人愛食,真愛講食的,毋過定定毋知伊背後的歷史,咱對蚵仔煎來講起。
閣來是:冬粉?四神湯?甜不辣和阿給?紅燒鰻?鼎邊趖?

三、閣來咱來台灣南北二路食食大捙拚,講仝一个物件,各地無仝的講法和名號?蕃茄醬?滷肉飯?愛玉?而且到東南亞嘛無仝?

四、對王浩一帶動起來的台南痟(台南熱)開始,城市作家和小食考古,成做一款作家的名號。我感覺銘宗老師會當做代表基隆的城市作家。你佇雨都大漢,蹛佇咧基隆,寫基隆,愛基隆,節目上尾,勞煩你講你的故鄉?你上愛的五項小吃?

邀訪來賓:劉子華(Lâu Tsú-huâ),南方家園出版社發行人。 ◎小單元:八點檔來捉包(三) 鄭順聰.王眉,共同製作。

一、咱台灣社會是因為加泰隆尼亞獨立公投的新聞,才略略知影有這个所在。毋閣猶原蓋生疏。愛請子華先來紹介加泰隆尼亞佇佗位、政治、歷史和語言。

二、閣來咱來認捌咱欲予讀者識似的作家:喬莫.卡布列?

三、欲了解一个作家,無其他撇步,就是來讀伊的作品《河流之聲》。這本台灣版735頁的長篇作品、大河小說,主要故事是講啥?有啥物人物?小說欲表達的主題是啥?

四、做一个出版人,為何你欲出《河流之聲》?文學?藝術性?台灣情境對照?

五、子華是佗位的人?是按怎對文學有趣味?為啥物欲整「南方家園」出版社?出版社的路線和精神是啥?出版和文化遐爾歹做,為何閣欲行這條路?

邀訪來賓:劉宛頤(Lâu Uán-î),南管音樂家。 ◎小單元:八點檔來捉包(二) 鄭順聰.王眉,共同製作。

一、 為啥物南管的節奏遮爾慢?古早人敢攏袂聽甲睏去?
二、 平平是河洛話,為啥物南管唱的佮咱四常聽著的有精差?
三、 見若是傳統的物仔,就有精彩的故事,南管敢有?
四、 南管敢有像五月天彼款的搖滾樂團,有固定的樂手佮位無?
五、 講著日本歌,咱就想著桃太郎;若欲聽南管,咱代先先聽著一條?
六、 欲按怎南管的好佮䆀?橫直聽袂出來,敢會當烏白彈彈咧?
七、 咱佇台灣欲聽南管,會當去佗位聽?有啥物人和團?
八、 宛頤是按怎和南管相意愛的?)

邀訪來賓:郭盈良(Kueh Îng-liông),文史工作者,《嘉義老戲院踏查誌》作者。 〈小單元〉八點檔來捉包 鄭順聰×王眉共同主持。

一、聽講台灣的戲園上興的時陣,有八百偌間遐濟,敢有影?聽講嘉義市內的戲園不止仔厚,是按怎遮爾仔旺?

二、《嘉義市老戲院踏查誌》這本冊,共戲園的發展切做三个時期,而且閣整理一張圖表,請你略略來紹介嘉義老戲院的歷史?

三、佇這本冊的踏話頭,恁寫講是用探偵的精神和步數,一間一間共舊戲園的歷史揣轉來。這个過程,定著有真濟憢疑、不解、困難摻感動,故事真濟,來,來講予聽眾朋友聽?

四、做一个文史工作者,實在是孤單閣無錢水的工課。盈良兄一直行踮這條路,過程是坎坎坷坷、身苦病疼、哩哩囉囉的代誌真濟。我請盈良兄點一條歌來吐露心聲,伊點吳晉淮〈關仔嶺之戀〉,是欲點予伊的牽手聽的,來,來講幾句仔心內話?

邀訪來賓:王榮裕(Ông Îng-jū),金枝演社導演、藝術總監。

一、上新的作品《整人王:新編邱罔舍》,好看佇佗位呢?

二、1993年整團成立,到今二十幾年,咱速速來點兵金枝做過的戲?

三、金枝的特色:第一是講台語;第二是本土性,第三是巡演,四界位拋拋走到台灣各地落地掃。會當講,金枝演社的藝術,釘根台灣,咬入民間社會塗肉。榮裕導演,我按呢講,敢有著?金枝行這條路的因端是為何?

四、劇場的路遮爾艱苦?為啥物你毋但行落去,閣行遮爾仔遠?

五、謝月霞女士是金枝演社的「女神」,榮裕導演的媽媽,伊是按怎的人,予人遐爾數念?

六、新的一代,榮裕的公子「王品果」,嘛佇劇場徛起矣,看過去嘛向未來,趁這馬佇空中,榮裕導演來講幾句仔話,予你的後生「品果」來聽?

邀訪來賓:鄭順聰(Tēnn Sun-tshong),「拍破台語顛倒勇」主持人。 【手機仔故事】狗蟻、孔劉佮鼻毛 王眉、李翔瑜/聲音演播 邱琳倫/剪輯配樂 鄭順聰/台文製作

〈內容大綱〉
A、學習台語的六道步驟
1. 溫字:將華語譯成台語
2. 拆字:羅馬拼音真有趣
3. 讀字:熟習台語漢字
4. 鍵字:輸入法真方便
5. 取字:捕捉聲音的魔法
6. 寫字:我是台語放送頭

B、節目年終回顧
1.台語如何現代化?
2.如何透過台語文來革新?
3.2016年共三十集節目,哪集是你的心頭好?